في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الأربعاء، 20 فبراير 2008

قرارات جديدة و علي ساكني عزبة المانكيز و ارض الجنرال الامتثال


قرار رقم اتنين
قررنا نحن منع كل المظاهر البيئة في شوارع هلهلستان فقد كان الموضوع يقتصر علي الميكروباص و الأن التوك توك يحل مكانه
حتي سمي اجيال بالكامل باسم جيل الميكروباص و جيل التوك توك
و قد كان في العصر البائد عندما يريد احد الصيع أن يشعر الأخر بأن عمره في الصياعه قصير للغايه اثناء احدي النقاشات حامية الوطيس علي القهوة (حد يعرف معني وطيس ؟؟ شكلها كلمة عيب و لا ايه مش عارف !؟ ما علينا) يقول له
انت يا بني من مواليد التوك توك
انما انا من مواليد الميكروباص
و يعود بظهره الي الخلف و يرفع رأسا شامخا و يرتكز بشدة علي وطيسه لأنه من مواليد الميكروباص مش من مواليد سته الصبح ... زي مواليد التوكتوك كده
و حرصا منا علي السلام الاجتماعي و علي الوطيس بتاع كل واحد في الشارع الهليهلي و طبعا كل واحد لازم يخلي باله من وطيسه ... دي مسئوليه يا جماعه الوطيس دي
و حرصا منا علي عدم وجود هذا المنظر البيئة و لأني وزير البيئة فقد تم منع الميكروباص و التوك توك
و حرصا منا علي توفير حلول بديلة سيتم توزيع حمار حصاوي علي كل مواطن و حصة من البرسيم كل يوم صباحا علي ان يتم غسل وطيس الحمار كل يوم صباحا و ان لم يتم غسلها سيتم سحب رخصة الحمار ... و ممكن رخصة سائق الحمار كمان لو زودت في الكلام


قرار رقم واحد

بمناسبة هذا الحدث الذي لا يعلم اهل هلهلستان الكرام اي شيء عنه بتاتا

قررنا نحن وزير البيئة

قطع النور تماما في كل هلهلستان حتي نشارك قدر المستطاع في هذا الحدث العظيم

و توزيع شمعة واحدة كل يوم علي كل مواطن صالح هليهلي



قرارات هامة اصدرها السيد رئيس الوزراء و وزير البيئة و مدير حديقة الحيوانات و نائب دائرة كفر عوض السنيطة

و باشتغل علي تاكس بعد الضهر



تحيا جمهوريه هلهستان الشعبيه الجماهيريه العظمى الراسماليه على اشتراكيه بالمهلبيه وعاشت طشت الملوخية

هناك 7 تعليقات:

كلبوزة لكن سمباتيك يقول...

وجب التنوية على ان قطع النور له نواتج سلبيه على قضية تنظيم الاسرة و انظر حولك و هذا قد يزيد من نسبة اطفال الشوارع مما يؤثر على قضية البطالة بالسلب

طيب موضوع الحمار ده فيه ظلم للحمار هو اية ذنبه انه اتظلط في عصرنا الشامخ ده غير انه وسيلة نشفة لامؤخذة و احنا قلنا عايزين نوريح الزبون اقصد المواطن
اذا كان و لا بد يبقى يصرف مع الشمعة شلتة اسفنج لترييح مؤخرات الزباين اقصد الشعب
و كما نعلم جميعا الاهتمام بالمقدمة يبدأ من المؤخرة


يلا سوقوا بقى

كنت حنسى الدعاء القومي للمرحلة
ربنا يهدكم

عين فى الجنة يقول...

انا عوز اعرف الحمار الحصاوى مجانا ولا ثمنه كام بيضه؟
وانا طبعا موافق واعتمد لك حكاية قطع الكهرباء
بس خد رايى السيدة الوزيرة المبجلة بتاعت التعليم الشهيرة ببنت القمر احسن تتهمك ان عندك مزرعة حمير وبتعمل بزنس على حساب الشعب وتطخك فى الوطيس

^ H@fSS@^ يقول...

بالنسبة ليا كرئيسة حزب و طول عمري متعودة عالغالي
فانا دايما متعودة احمي وطيسي بالركوب في عربيات العيلة الخاصة و عمري ما ركبت لا باص و لا ميكروباص و لا توك توك و ان كنت شتفهم في الشوارع و انا بلوح للجماهير قبل ما امسك الحكم
و لذلك و بناء ا عليه
ارجو التكرم بوضع عربيات مجانا تحت خدمة الشعب لحماية من يريد حماية وطيسه


الرفيق راجي
لن يتم دفع اي مستحق على الشعار الا بعد تعديله
و تغيير الاسم المرافق ليه
فحرص دولتنا على عدم ظهور اي دلالة دينية هو من اهدافها الأساسية اللي انا لسه ماعلنتش عنها
و ده عشان احنا هلهليين لا متحوقلين (خد بالك انا مش عارفة يعني ايه متحوقلين)
المهم برجااااااااااء تغيير الشعار و ذلك بحذف صورتي منه و برجاء ازالة لقب ام المؤمنيين حيث اني مش مسؤولة عن حد و مش بحب اني اتوكل بتربية اي شخص كبيرا كان ام صغيرا
تم اعتماده و من ثم بعد حدوثه يتم اعتماد اجر مالي و رمزي كبير جدا ليك و بما ان معندناش فلوس فحضرتك تتوجه لاقرب دولة صديقة يدولك فلوس انا حردهالهم في الافراح على شكل شنط خوص و كروشيه من منتجات الاسرة المنتجة في وزارة المراءة

الله
الحزب
هلهلستان

DantY ElMasrY يقول...

لازم نعين وزير صناعة
تكون مهمته اختراع حمار صالون فول أوبشن

^ H@fSS@^ يقول...

هههههههههههههههههههه
اول مرة اخد بالي من حكاية عزبة المانكيز و ارض الجنرال
مخدتش بالي ان كراكيب قصده عزبة القرود و ارض اللوا
ههههههههههههههههههههههه
دا انا زعيمة طيبة اوي

DantY ElMasrY يقول...

استنو البوست الجاى

حزب تحيا مصر يقول...

شكرا لكم جزيلا