في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الاثنين، 18 فبراير، 2008

بيان من محافظ البنك المركزى لدولة هلهلستان


حيث انه قد تم المراد من رب العباد وحصلت على الاذن الموقر من الرفيقة حفصة ادام الله عزها وحيث ان هذا المنصب الخطير الا وهو محافظ البنك المركزى لم يتقدم له احد من الاخوة المدونيين الذين انصب اهتمامهم على الموزز وعلى الحقائب الوزارية وهى مناصب كما تعلمون على كف عفريت فقد هدانى الله الى احتلال منصب محافظ البنك المركزى فى الدولة
وبهذه المناسبة الجليلة فانى قررت اصدار القرارات الاتية واعرضها امام الرفيقة حفصة التى ارجو ان تبادر وبدون كسل باعتمادها ليعم الخير على الرعية ويتفرغ الناس للمهمة الجليلة التى تحفظ النوع الهلهلستانى الا وهى التناسل باكبر عدد ممكن لمواجهة النقص الخطير فى الخبرات والعقول حيث يتم اختيار الاصلح للحياة بعد مرور الشباب فى الاختبارات التى تحدد الاصلح للبقاء والعمل فى الصحراء الغربية بدون عدد والات لشق الترع من بحيرة ناصر واستصلاح ارض الصحراء وزراعتها بالقمح وكذلك حفر الارض بالاظافر للوصول الى البترول والمعادن الاخرى
قرار 1-حفاظا على الاقتصاد القومى ومنعا للتضخم، يتم الغاء العملات الورقية والمعدنية تماما من التداول ويبدأ العمل بنظام المقايضة وهذا لدعم الانتاج على مستوى الاسر بمعنى اللى ينتج سلعة يقدر يبدلها بسلعة اخرى او خدمة بمعنى اصلح السيارة بعدد 10 بيضات واخد لحمة من الجزار مقابل انى اعلم ابنه الحساب وهكذا
قرار 2 - يتم وقف استيراد اى سلعة ماعدا المستلزمات الطبية فقط
ينشر فى الجريدة الرسمية للدولة ويعمل به فور اعتماد الرفيقة حفصة

هناك 5 تعليقات:

HafSSa يقول...

تم اعتماده
وفقك الله الرفيق راجي
و ادامك عزوة و خير للامة الهلهلستانية الكريمة
و اشجعك و بشده على اتفاقك مع الرفيقة بنت القمر في اعتماد نظام المقايضة و عدم اللجوء الى العملات الورقية اللي علمت الناس الجشع و الطمع

شفت اديني رديت باسرع مما يمكن و مافيش كسل اهو
اصل الدولة الجديدة تحب الشهلية

الله
الحزب
هلهلستان

DantY ElMasrY يقول...

التجارة ظاهرة استغلالية
بدل المقايضة ووجع القلب ممكن نعمل سوبر ماركت كبير فى وسط هلهلستان واللى يعنل حاجة من أى نوع يروح يحطها هناك على رف مع أخواتها
ولو عاوز حاجة ياخدها على طول
مش تقولى السيارة بعشر بيضات
عندك فراخ بتبيض روح حط البيض فى السوبر ماركت
وخد اللى انت عاوزه من هناك يا جوجل تكون عاوز عربيتين ونص كيلو رومى وعلبة مايونيز صغيرة وشقة على جوجل سيرش

DantY ElMasrY يقول...

اعتقد ان واجب راجى انه يمسك مدير السوبر ماركت
طبعا هو هايفتكر انه هايمسك كروت صنف وحسابات ووارد ومنصرف
اصلا مافيش فلوس
هو هايمسك الدليفرى رايح جاى
يعنى اللى انتج حاجة يروح يجيبها منه
مع الأخذ فى الإعتبار انه مثلا لو بيستلم بيض
يعد البيض ويعد الفراخ
ويسيب للمواطن بيضتين
ويبقى ياخدله اللى هو عاوزه من السوبر ماركت بتاعنا

Sampateek يقول...

طيب انا عاملة سبانخ بالرز كنت عايزة حصتين عربي نحو و صرف المدرس بقى يجيب حاجة معاه يغرف فيها و لا الفله في قرطاس؟

أبوشنب يقول...

طيب نخليهم اتناشر بيضة وتجيبها سحب رباعي

اعملك بيتزا وتجيب لي شقة

يا حلاوة الاقتصاد الهليهلستاني المزهزه