في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الأحد، 17 فبراير، 2008

المسوده العامه لحقوق الطفل {الهليهستاني}.تتبع


بيان وزيرة التربيه والتعليم وشئون الطفل والمرأه


المسوده الاوليه لحقوق الطفل والطفله في هليهستان


*****************


يحق لاي طفل في هليهستان الشمس والماء والهواء منذ قدومه علي ارض دوله هليهستان




ثانيا:يمنع نهائيا استعمال اي من وسائل النظام المصري العنصري البائد من ضرب وقسوة واي طفل يتعرض لافعال قسوة او عنف او تحرش يحق له تبليغ الهيئه العليا ممثله في الوزيرة شخصيا التي سوف تقوم بتنفيذ عقوبات رادعه تتراوح بين الشنق في ميدان عام او الحرق حيا لكل من تسول له نفسه ايذاء الي طفل هليهستاني


تالتا:تمنع نهائيا مدارس النظام السابق وتتحول الي ساحات شعبيه للعب الكورة والتمتع في الشمس والهواء او حفرها لحمامات سباحه صيفا


رابعا:تستبدل مناهج التعليم السابقه بمهارات اخري ملائمه لدولتنا المسالمه وهي تعليم الصيد بالسنارة والطعم وتعليم زراعه البطاطس والفراوله والنخيل فقط


يتم تعليم الاطفال فقط حلب البقر وتربيه الماعز للحصول علي طعامهم وسد جوعهم فقط بعد بلوغ 12 سنه ميلاديه


خامسا:اي طفل هليهستاني يتخلف في تعلم مهارة الصيد يستبدلها بمهارة اخري ويتم نهائيا وبصورة ابديه الغاء نظم التعليم البائده التيرم والميد تيرم


اي ولي امر طفل او طفله في ارض هليهيستان يظبط يعلم ابنه مواد النظام السابق يتم سلخ راسه حيا


فاللغه يتعلمها الطفل من ابويه والحساب لا حاجه له لان نظامنا الاقتصادي ها يكون قائم علي المقايضه


والفيزيا والكيميا هي مواد خبيثه هدفها اذكاء الحروب وصنع القنابل


سادسا:يحق لاي طفل هليهستاني فتح تلاجه اسرته والحصول علي ما يشاء من اطعمه وحلويات وجاتوة بأي كميه واي وقت


سابعا: يحق لاطفال هليهستانالمشي حفاه او ترك افرازات انوفهم منسدله بدون توجيه لوم او عقاب لهم لانها صورة طبيعيه من صور الطفوله


ثامنا: يحق لاطفال هليهستان بعد الغاء نظام التلفزيون النتخلف والدش والرسيفر والاتاري من صور التخلف في النظام البائد الحصول علي اله موسيقيه وكراسه رسم والوان وكورة شراب توفرها له دوله هليهستان من سن الخامسه علي مسئوليه ابويه


تاسعا:يتم اقامه شاشات كبيرة حكوميه لاطفال الدوله تعرض افلام اسماعيل يس ونجيب الريحاني


كآثار سابقه
اي مخالفه للوائح الطفل الهليهستاني يتم التصدي لها بصورة فوريه ورادعه وبلا رحمه
بنت القمر وزيرة شئون التربيه والتعليم والطفل والمرأه
يتبع


هناك 5 تعليقات:

DantY ElMasrY يقول...

رائع
رئيس مجلس الشعب عاوز الوزرا فى كلمتين

DantY ElMasrY يقول...

تأكيد حق الطفل فى الماء والهواء والسمس كمان حاجات كويسة فعلا أهو أحسن من مافيش
عقوبة اللى يستخدم العنف ضد الأطفال بمبرر أو بدون مبرر مشروع رائع
لكن عندى مداخلة
إزاى نحسس الطفل باللوم على أى حاجة مش مظبوطة هو ارتكبها
لو قلبنا المدارس ملاعب كورة شوفى هاتقضى كام لعيب
بالكتير سبعتاشر تمنتاشر واحد
فكرى فى لعبة تانية
تعليق على رابعا :اقترح اضافة البرتقال لحاصلاتنا الزراعية
وممكن نعلم عيالنا صناعة الحلويات من أول الملبن واللديدة مرورا بالشكلمة وصوابع زينب لحد الشوكولاتة بالفزدق المبندق والمارون جلاسيه
توفير ميزانية لشراء بقر ومعيز
ودا يلزمه تعيين وزير للماية وبما ان بنت القمر اول واحدة قدمت مشروع بالتالى بنخصص الميزانية كلها عشانها
لحد ما نلاقى وزير مالية
تعليق على سادسا :حق الطفل انه يفتح التلاجة سقفه عالى شوية وممكن تأجيل البند دا علشان لسه فى أبهات بياكلو أكل عيالهم زى إعلان دانات
يمكن إضافة حصص موسيقى على مناهج دولتنا المحترمة وتكون مادة نجاح
الكور والألوان اللى هانديهم للعيال هايبقو عهدة عند أبو الولد وأمه ونستلمهم منهم بعد ما الواد ياخد سنة ساته

HafSSa يقول...

الله يا قمر
انا موافقك في كل بنودك و خصصتلك ميزانية قد عشرة تلاف جنية بس غير قابلة للتجديد
و احب اضيف ان اي طفل ميحسش نفسه عاوز يتعلم
ميتعلمش
لازم التعليم يكون نابع من احساس الكفل بيه و مدى احتياجه ليه

وفقك الله يا اختاه

تحياتي

بنت القمر يقول...

حفصه
وانا راضيه بالعشرة الالاف
ما هما ها ياخدو كراسات رسم وكور شراب بس
كفايه وها نشغلهم في الغيطان وصيد السمك يعني ها يجيبوا مصاريفهم

Ahmad Badawy يقول...

ياسلام يا قمر الواحد كدة بيتحسر على طفولته اللى راحت وبيتمنى يرجع عيل تانى فى هلهستان عشان يعيش فى ظل لحقوق الجامدة دى للطفل الهلهستانى

و على فكرة جايالى أخبار (ما أنا بتاع المخابرات بقى) أن المدرسين الخصوصيين نصهم عاوزين يموتوكى و نصهم التانى بياخد كورسات صيد و كورة شراب عشان يدى فيهم دروس للعيال الهلهستانيين