في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

السبت، 16 فبراير 2008

تامر حسني رمز للشاب الهلهلستاني الكويس

بعد تعليقه الشهير علي انه من يهاجم حفلاته يقف ضد مصلحة مصر ... قررنا نحن حزب و حكومة دولة هلهلستان الشعبيه الجماهيريه العظمى الراسماليه على اشتراكيه بالمهلبيه وعاشت طشت الملوخية
قررنا نحن جعله رمزا و قدوة لكل شاب مصري بيحاول يبقي كويس
مش بتحب تامر ... يبقي انت ... مش كويس
هذا هو شعار المرحلة القادمة
و لتحيا جمهوريه هلهستان الشعبيه الجماهيريه العظمى الراسماليه على اشتراكيه بالمهلبيه وعاشت طشت الملوخية
انتوك شخصيا
رئيس وزراء دولة هلهلستان و وزير البيئة و مدير حديقة الحيوانات و عضو مجلس الشعب عن دائرة كفر عوض السنيطة
و باشتغل بعد الضهر علي تاكس

هناك 4 تعليقات:

Unknown يقول...

الصراحة بالرغم من أن الست الريسة كانت معينانى رئيس المخابرات الهلهلستاية المفتحة اوى و اللى مفيش عمولة بتعدى من تحت ايدها

الا انى ما سمعتش التصريح التاريخى ده للشاب تشامر اللى المفروض نطبعه على تيشيرتات و نلبسها كلنا فى اجتماع الوزارة الهلهلستانية الجاية

و من هذا المنتلك أدعو كل الوحشين الكخة اللى بيهاجموا حفلات تشامر أنهم يبعدوا عنه عشان خاطر مصلحة دولة هلهلستان العظمى

^ H@fSS@^ يقول...

احب احيي الشعب

اهلا اهلا بيكوا في الحزب

^ H@fSS@^ يقول...

بدوي
انت عاملي فهيا من العامة و عمال تعلق؟؟
فين شغلك يا بابا
انتا فاكره حزب اونطة
لا لا لا
انت بتاخد مرتب يبقى تشتغل
قال تعليقات قال
ههههأو
كان غيرك اشطر

maRo يقول...

بصفتى وزيرة الاعلام المرتقبة اللى محدش عينها أعلن منع اذاعة أغانى وأفلام وأى ميديا للمدعو تامر حسنى والغاء القرارات السابقة بشأنه
يا جماعة عايزين دولة نضيفة واعلام جامد
طبعا بعد التصريخ السابق لميت هدومى وبدور على دولة تانية تستفيد بمواهبى