في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الثلاثاء، 19 فبراير، 2008

نداء استغاثه

السيد الفاضله رئيسه الحزب
******************
الرفيقه حفصه حفظها الله
اشكو اليكي معلمتنا سوء حال البلاد وهوان هليهستان وتردي احواله الحزب بقا في التررللي يا حفصه
انا يا حفصه وزيرة شئون المرأه جت سمباتيك اخدت مني الحقيبه الوزاريه وانا دلوقت من غير حقيبه بعد ما اشتغلت عشر سنين في مسوده حقوق المرأه واهي عندك يا افندم
اولا ورغم انك اديتيها التموين
اتنين السيد رئيس البنك المركزي كل شويه يقول اربطوا الحزام اربطوا الحزام لما الكلي وجعتني وبيفكرنا بالعصر الرجعي البائد وبعدين هو بتاع بنك يصرف وخلاص اياكش نرمي التموين في البحر لا وكمان يقولك قراطيس الشاي والسكر فاكر نفسه ها يدينا شاي الشيخ الشريب بتاع زمان ولا ها يصرف لنا السكر اقماع زي التموين المصري القديم
حد والنبي يعرف يعني ايه قماع؟؟
وبعدين هو مين بتاع الماليه في هليهستان عشان ياخد القررات التنفيذيه ويفكها علينا
ويا ريت بلاش راجل عشان ميخنقناش ويقعد يقول شدوا الحزام وبكرة وبعدة وخطط خمسيه وعشريه
تالتا جيت امسح الميل بتاعي عشان التعليقات ملت الميل لقيت ميل في وسط الميلات لشخص غريب مندس اسمه مولتو وانا مش عارفه مين مولتو ده ولو انه اغلب الظن اسم سلعه من العصر العنصري البائد المهم هذا او هذة المولتو وغلب حماره عشان اعرفه ممكن يكون جاسوس للنظام المصري المنحل
وممكن يكون عضو مافيا اطلب تحقيق عاجل لاكتشاف هويه المدعو/ة مولتو المندس بين صفوف الحزب
ارجو تحديد صفات ووظائف الساده الاعضاء منعا للتداخل والمشاكل انا عاوزة الحقيبه الوزاريه بتاعتي تعليم وطفل ومرأة
الا
واخدة بالك من وإلا دي ها اشتري حقيبه تانيه جينز وبترتر اهو تنفع صبح وبعد الضهر
الرفيقه قمر فيتش

هناك 8 تعليقات:

HafSSa يقول...

ممممممممممم
مش انتي كنتي ماسكة التربية و التعليم؟؟

على العموم حنشوف المشكلة دي الصبح و نحلها بس ارجوكي بلاش الصور اللي تخض و تقطع القلب دي
انا اتفزعت لما فتحت البلوج

و ادوني فترة ارجع الامور لنصابها
اما بالنسبة لمولتو فهو عضو عامل معانا و مهم جدا و هو ليس من القلة المندسة بتاتا
و هو من استخلق علم هلهلستان

الله
الحوب
هلهلستان

karakib يقول...

مولتو مين ده !!؟؟ اخرجوا الخونه من بين صفوفنا
لم يعد لهم مكان
قال مولتو قال
ناقص نشوف بيبس بقي كمان و الكلام الفاضي ده

Sampateek يقول...

الرفيقة الغالية مون فتشي
يا رب يجي للابتوبي فايروس و يوقع الهارد لو كنت عارفة انك وزيرة المرأة و اتعديت على حقيبتك يا اختشي ده احنا ولايا زي بعض و ميصحش اننا نعض في بعتشيناو لا يهمك انا اسيبلك وزارة المرأة و التشفل و الاسرة كلها بس سيبيلي عبده

مع الاخذ في الاعتبار ان قراراتشي تحول الى توصيات لجنابك للنظر فيها و منجهة الاخوة الستات
و انا بقى حدورلي على وزارة كويسة و خفيفة و بتجيب فلوس و اهي فرصه نحوش قرشين لزوم مصاريف المصيف
خلاص يا اختشي
صافي يا لبن؟
تعالي بقى نشرب لنا كوبيتين كابشتينو اكسبايرد و ننم على باقي السادة الوزرا
:)

DantY ElMasrY يقول...

سمباتيك تاخد وزارة صحة الشعب وكمان وزارة اسكان الشعب

DantY ElMasrY يقول...

بنت القمر لازم تعرف إن حزبنا معدوم الهدف والمرجعية فبلاش حكاية ساعدو دولة النيجر المسلمة دى
ممكن نساعدهم عشان بنى ادمين زينا
وخللى بالك ممكن أساعدهم لو حتى نباتات أو حتى حيوانات معرضة للإنقراض
لكن عشان مسلمين ؟؟؟؟؟؟؟؟؟؟؟!!!!!!!!!!

HafSSa يقول...

الصلح خير و بنتصالح
ه الصلح خير
الصلح خيييييييييييييير


الله
الحزب
هلهلستان

بنت القمر يقول...

سمباتيك
الصلح خير طبعا
علي رأي ناديه مصطفي
الحقيبه الوزاريه بتاعتي جينز وبترتر
عشان جايباها علي الطقم بتاعي
شكرا



دانتي المصري
يا عم دانتي الصورة جبتها تدل علي استغاثه ملهاش دعوة بالنيجر بس عشان اصعب علي الست الريسه
شفت الصورة بؤس ازاي؟؟

entrümpelung wien يقول...

شكرا لكم .. دائما موفقين ..::))


entrümpelung
entrümpelung
entrümpelung wien