في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الأحد، 17 فبراير، 2008

قرار هلهلستاني رقم 777

تحديث خطير جدا
ارجع ااكد لكوا اني قلت احب اعرف مين اللي حينضملنا قبل ما ينضملنا
لكني فوجئت باشخاص معزومين على البلوج
فياريت العضو الغير ملتزم بقراراتي يقولي هو مين
أولا عشان اشيله
ثانيا عشان يا ريت اعرف مين الاخوة الجداد المعزومين عندنا و ايه مدوناتهم و بعد الاطلاع على بلؤاتهم ساعتها اقر بالموافقة
ماذا والا سوف اضطر اني اسحب الادمنز منكوا لغاية ما تتكشف لي النية الصالحة في كل عضو على حدة
الله
الحزب
هلهلستان
1-كل عضو يتفضل يضيف نفسه في لسته السادة الاعضاء
انا مش بشتغل عندكوا منك له عشان افضل اجري ورا كل واحد عشان اضيفه امال انا عملاكو ادمنز ليه؟؟
اللي مش حيشتغل ادمن مظبوط حشيله من السلطة و اخليه عضو غير فعال
يعني يدوبك يكتب بوستات و يعلق و السلام و لا يقدر يزود شئ و لا يقدر يحط حاجة على مزاجه
2-تاني انا عملتكوا ادمنز عشان لما كل واحد فيكوا يمخمخ قرارات ،مش سلطة الحكاية
هو اه يمخمخ لكن يكتبها في البلوج كبوست و ينادي بقية الاعضاء من على القهوة و هما يضيفوا فيها و بعد كده ننشر
اصل مش معقولة افتح الحزب من يوم و نص الاقي ديشليون بوست
و متخافوش اكتبوا انتوا بس حتى لو كانت القرارت متعارضة مع بعضها، مين حيسال اصلا ، خلونا نفضي مخنا من الافكار اللي فيه و بعد كده يحلها حلال و نحل الحزب من اصله
3-نسيت كنت حقولوكوا ايه و ده عشان انا مش بكتب في مسودة ، انا قراراتي بستلهمها من فرجتي على عامة الشعب اللي لسه مش لاقينه
4-كل عضو هلهلي يطلع حاجة تصلح انها تكون من قواعد الحزب او من بنود دستوره يكتبها في مكانها مش بس في البوست
امال انا خليتكوا ادمنز ليه
اخيرا
احب اقولكوا اني حفضل اعايركوا بحكاية الادمنز دي لغاية ما انتوا تقولوا جاي و تستحفلوني اني اشيلها منكوا و بكده اكون حققت الديموقراطية معاكوا لكن انتوا اللي رفضتوها
اه
اسم النبي حارسني و صايني انا فتكة اوي و افوت في الحديد
دمتم
حد معترض؟
لا؟؟! طيب كويس هو ده اللي ناقص

هناك 5 تعليقات:

راجى يقول...

الشبورة دى كلها علشان ايييييييييييييييه
فين الادمنز بتاعك ده انا عاوز امخمخ معاكو
وبعدين بلاش انصاص الوزز زى اللى تحت دى يا موززة كاملة يا اما نص بالطول عشان الفيتشرز تبقى كاملةفى البروفيل
فين بقى الادمنز ؟

بنت القمر يقول...

حفصه والله انا بميت راجل وملتزمه طحن اوي
ومش بطمع في منصب غيري
ابلتي حفصه عينتني وزيرة تعليم وانا اشتغلن شفتي البوست بتاعي
ادي شغل الستات
ولا بلاش طب ايه رأيك في اللايحه بتاعتي
سيبك منهم
بجد
بجد انا شايفه ان الحكايه ممكن تكون نصور للمدينه الفاضله
وعشان كده كتبت البوست من هذا الوحي
ها ايه رأيك يا ابلتي

بنت القمر يقول...

طب انا كتبت القرارات اعمل ايه تتاني
بصي عشان ما يبقوش مليون بوست انا ها اكن لما الاعضاء ياخدوا موضوعي بجديه ويناقشوة عشان ميبقاش مليون بوست
وبعدين يا اختي صورة كراكيب عيب اوي وانا مكسوفه وكمان دانتي بيقولي افهميها وهي طايرة وانا زعلت طحن ما تشيليهم يا ريسه دول مشاكل من اولها
تيجي نعمل انقلاب ونرميهم في السجن
قمر

DantY ElMasrY يقول...

ممكن أخد وزارة المالية
أعتبرك وافقتى وأول قرار ليا سحب الميزانية المخصصة للتعليم
رابع حاجة بنت القمر عاوزنى اوافق على مشروعها من غير ما أفصصه ؟؟؟؟؟؟؟
مانا قلتلها على اقتراحاتى وماردتش

Sampateek يقول...

وحياتك يا اختشي انا لا عزمت و لا غيره تنقطع ايدي لو ادمنت ادمن من غير ما انونوك
و بعدين انا مش فاضية انشر اصلي بحب انقع الاول و امرش و ابطس و بعدين اشطف و ازهر و حين ميسرة ابقى انشر
ها حتسحبي مني الادمنة؟
طيب استني استر نفسي

هيهيهيهيهيئ