في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الأحد، 17 فبراير، 2008

انقلاب رقم واحد

من المبدأ الاشتراكي الرأسمالي المتوازي نحو التشكيل المنطقي للوعي الجماهيري

ومن موقف احمد حلمي

وحيث ان اللي يصحى بدري يحكم

اعلن أنا محمد ابو شنب تعييني في المناصب الاتية

منصب رقم واحد

أنا الشعب في احشائه الغلب كامن

منصب رقم اتنين

كبير حرس غيطان الملوخية

منصب رقم تلاته

وزير قرطفة عيدان الملوخية

منصب رقم اربعة

تباع ميكروباص خط مساكن عين شمس المطرية الصبحية ووزيرا للنقل من اتناشر لاربعة

منصب رقم خمسة

مسئول العلاقات بين مصر والصعيد وحبيبي قلبه سافر وانت قلبك حديد بعيد عني بعيد من مصر للصعيد

منصب رقم ستة وسبعة

غرفتين وصالة اتنين مطبخ وحمام للايجار قانون جديد

الله

الوطن

جوجل

هناك 8 تعليقات:

karakib يقول...

البند السادس : يحق لكل من رئيس الجمهورية او السادة الوزراء تغيير الدستور في اي وقت و دون اخطار اي احد و خد بالك احنا علي طريق و ماشيين علي هوا يا اسطي

HafSSa يقول...

بند رقم سبعة
يا نهاري يا نهاري هو فيه ايه النهاردة؟
اه يا خونة
انا اتعب و اسهر الليالي و انشئ الحزب من بنات ولاد افكار يو انتوا تاخدوه على بالساهل
اللعنة
قلتلكوا الديموقرراطية لها جزم و شباشب
بلاش ارجوكوا تجبروني على استخدامها

غير معرف يقول...

سيادة الزعيمة أرجو ضمى لدولتكم المصون ،وحبذا لو أنعمت على بمنصب وزير رايح جاى على وزن إسماعيلية رايح جاى ، و كاتش كادرى فين قالولوه كمنننا
أبو خالد

DantY ElMasrY يقول...

ابو شنب
شكلك كدا تنفع وزير اعلام كفءاحب انبهك لحاجة احنا لسه محطيناش سفير فى مصر
والعلاقة بين مصر والصعيد حاجة مهمة للأقليم بتاعنا أضف إلى ذلك الجيزة وامبابة
والبساتين

HafSSa يقول...

سيد ابو خالد تحب نبعتلك الدعوة على فين؟ البوتجاز و لا اول شارع فيصل؟

ارجو التحديد عشان احنا لسه معندناش شعب من اصله و معنديش حد يوصل هو دلفري حاليا
ممكن احضرلك الطلب و حضرتك تعدي تستلمه
ما طازج الا الطازج

maRo يقول...

ايه دا بقى هو أبو شنب ححيجز كل المناصب ولا اييييه؟لو سمحتى ياريسة بتكلم بالأدب اهه لغاية دلوقتى أنا عايزة منصبى وزيرة الاعلام والدعاية زى جوبلز كده

HafSSa يقول...

لا يا مارو متخافيش ابوة شنب بيحبيكوش اه براحته بس بالليل ان شا ءالله حشيل منه كل المناصب عقابا ليه على انقلابه عليا و يوريني بشطارته حيعمل ايه بعد كده
متخافيش
كل ظالم ليه يوم و شكل يومي قرب

HafSSa يقول...

وقبل ما اشيلك من الحزب الواجب برضك اهنيك على اهتمامك بالموخية بما اني بحبها و بما انها من احد اهم اعمده الحكم في الحزب بتاعنا و من غيرها منعرفش نقول طشة الملوخية
اذ كيف يتاتى لنا قول الطشةو لا توجد ملوخية حتى نطشها

عوفيت يا ولدي

تحياتي