في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الأحد، 17 فبراير 2008

قرار قابل للتعديل

قرار رقم واحد:قرر رئيس مجلس الشعب منه لنفسه تعديل مواد الدستور بالكامل
قرار رقم اربعة :محدش من الوزرا يقدر يعين نفسه فى منصب ولا يستقيل
قرار رقم اتنين :محدش يرد على التعليقات الغريبة اللى مش من أعضاء
قرار رقم خمسة :احنا حزب يبحث عن شعب دا بند غير قابل للتعديل
قرار رقم اتنين :دولتنا عمرها ما هتبقى ديمقراطية
قرار رقم تلاتة :رئيس مجلس السعب خد معاه رئاسة الوزرا
قرار رقم سبعة :عاوز ارشح ناس لمنصب مواطن بس فى ودن رئيس المخابرات
عشان يعملهم ملفات ويحضر السجون ويرش ميه
قرار بدون رقم :توضع مشروعات وزيرة التعليم على جدول الأعمال
قرارنهائى :بنت القمر بقت وزيرة الدولة لشئون أعالى البحار وسفيرة الدولة فى ايسلندا

هناك 9 تعليقات:

بنت القمر يقول...

ليه كده يا دنتي انا وزيرو تربيه وتعليم اختيار مؤسسه الحزب ونسورين بسيوني
وبليز عاوزين ناخد الحكايه جد شويه
انا رأيي ان كل واحد من منصبه يتخيل الدوله اللي بيتمناها ازاي؟؟
انا شايفه انها ممكن تكون المدينه الفاضله ولذلك
تصورتها من خلال التربيه والتعليم بهذا الشكل اقترح عليك الغاء هذا البوست بليز زكتابه تصورك من خلال موقعك لمدينتك الفاضله او تقدر تعقب علي تصوري لاطفال هليهستان
شكرا دانتي

DantY ElMasrY يقول...

حقيبة التعليم لسه معاكى الظاهر مقريتيش القرارت كويس
ثانيا انا واخد الموضوع جد جدا
ثالثا السخرية لا تتناقض مع الجديسة
رابعا أفهميها وهى طايرة
وبعدين انا اديتك وزارة وسفارة يعنى رقيتك
وبعدين انا من الجمعية التأسيسية لحزبنا المكونة من سخسين

karakib يقول...

ايه يا عم مين ده اللي خد رئاسة الوزرا
هي لعبة !؟ لأ طبعا رئاسة الوزرا دي قابلني لو حد خدها مني :)) ده رئيسة الحزب شخصيا اللي مديهاني و قالت لي خلي بالك عليها و لحد دلوقتي ما شلتش الكيس من عليها

DantY ElMasrY يقول...

الست الريسة كلامها على العين ولراس بس قرار التعيين تبعك كان لوزارة الزراعة وشوية مرافق تانية ويمكن سفارة أو اتنين
وبعدين احنا حكمنا برلمانى

كلبوزة لكن سمباتيك يقول...

جواب توصية للست وزيرة لامؤخذة التربية و التعليم يا ريت لو سمحتي كراسة الاجوبة بتاعة كتاب الحساب بتاع توجيهي و لو اجوبة امتحان اخر السنة اكون متشكرة قوي جدا خالص



جواب توصية للسيد الوزير بتاع لامؤخذة التموين الله يسترك بخمسة جنية عيش من غير مسامير و انت جاي

ها؟
ادلدل السبت؟

^ H@fSS@^ يقول...

معلش يا دانتي
انا رجعت للتشكيلة الاولى و لقيت انه انت مش رئيس الوزرا بس انا حمسكك السلطة القضائية و التشريعية الاتنين مع بعض و ممكن كمان اديك التنفيذية و انا عارفة انك قدها و قدود

سمباتيك
جواب توصية لوزير التموين؟؟ امال انتي بتعملي ايه يا حلوة؟
انتي وزيرة التموين و الامن القومي
لا لا لا التسيب ده مينفعش
معايا هنا


تحياتي

^ H@fSS@^ يقول...

دانتي صحيح انا لاحظت وجود مشكلة خطيرة عندك في الارقام و اهمية ترتيبها
تحب نخلي بنت القمر تفتحلك دروس تقوية في الحساب؟
اصلي انا حاخد دروس في الفيزياء

عين فى الجنة يقول...

انا عاوز امسك اى حاجة والنبى يا ابله
موش لازم وزارة ووجع دماغ
ممكن امسك البنك المركزى؟

بنت القمر يقول...

سمباتيك يا نهار اسوح بنقول لغينا المدارس وعملناها ملاعب كورة وحطينا نظام المقايضه ومش عاوزين حساب تقوليل توجيهيه
طب اي واحد ها بقول توجيهي دي ها اشرب من دمه
بقول العيال تتعلم حلب معيز وزرع بطاطس وبسينات وخلاص
اقري تاني المسوده
يا سمبا
ها ازعل كده