قرر رئيس مجلس الشعب التدخل بشكل سافر ومباشر فى اختصاصات محافظ البنك المركزى بشكل لا يخدم العملية الديمقراطية
وما يسمى دولة المؤسسات
الغاء التجارة
الغاء المقايضة
محدش يقول العربية بعشرين بيضة و لاحتى بيضة واحدة
مافيش حاجة بفلوس ولا حاجة قصاد حاجة
هانعمل سوبر ماركت كبير فى وسط هلهلستان
اللى عاوز حاجة يروح ياخدها
والمستغنى عن حاجة يروح يسلمها لمحافظ البنك المركزى
على محافظ البنك المركزى حصر الحاجات اللى بتجيب حاجات
زى الفراخ
ومكن تصوير المستندات
والبقر والمعيز
على محافظ البنك المركزى انه يروح يستلم الحاجات بالواحدة وبالميزان
ومينساش ياخد معاه الحاجات اللى يعوزها المواطن اللى عنده حاجة بتجيب حاجات
الغاء كلمات بيع - شراء -ايجار
من جميع قواميس هلهلستان بجميع مرادفاتها ومشتقاتها
البيت لساكنه
السيارة لراكبها
الأرض لمن يزرعها
البلوج لمن يدون
هناك 5 تعليقات:
يا حومتي
يا نداشتي
اخدوا البلوء بوضع اليد يا ابلتي حافصتشي
طيب النبي حارصك يا وزير بيت المال انا عندي 6 براشوتات مستغنية عنهم اجيبهم لجنابك فين بس لجل الامانة يعني فيهم واحد مخروم اه ازربما واحد يركبه يغرق بيه و لا حاجة يتعلق في رقبتي لااااا
استاذن بقى علشان الحق انزل اشوبنج فرصة اتلغت اللي ما تتسمى اللي ممرمطانا في بلاد الله
ربنا يهدكم هرشتوا مخي
ازاي ولا تجارة ولا مقايضه
ما ينفعش الناس هتاخد كراريس الرسم والكور كلها طيب ممكن نعمل نظام بطايق فئويه وحصص تمووينيه وغذائيه للشعب لازم نقنن الموضوع
ولا الناس تقتل بعض كده
محافظ البنك المركزي ممكن يدي قروض كبيرة للوزرا وقرايبهم بضمان الكور ومحصول السفندي اللي تحت ايده مين يراقبه
ده مش شغل كده لازم
حد يراقب رئيس مجلس الشعب ممكن رئيسه الحزب نفسها تراقبه عشان شكلاه كده ها يعك
الحقينا ياريسه
السيد الاستاذ الموقر رئيس مجلس العشب
كم كانت فرحتي بالغة عندما رأيت الكتاب الذي اتيت منه بقراراتك الصائبة الجميلة
تم ما قاله السيد رئيس مجلس الشعب رأس السلطة التشريعية و تم الموافقة له من كل اطياف الشعب الهليهلي العريق الطيب الحنين الطري في استفتاء يوم واحد سريع سريع كده
و قد لاقي قرار مجلس الشعب و رئيسه استحسان من رئيس الوزراء و كافة السادة الوزراء و كافة بني ادمين االلي قاعدين في اي حتة في هلهلستان
وفقنا الله لما فيه الخير لهذه البلاد الهلهلستانية العريقة
-------------------------
تحيا جمهوريه هلهستان الشعبيه الجماهيريه العظمى الراسماليه على اشتراكيه بالمهلبيه وعاشت طشت الملوخية
الرفيق دانتي
عذرا لم اقرا مصدر قرارتك الشنعاء الا الان
فيالا من مصيبة قد تحل بنا اذا اعتمدنا هذه القرارت و بالذات من هذا المصدر
وفقك الله رفيقي العزيز للمزيد من هذه القرارت
تعلاى هنا
بلوج مين ده للي يدون؟؟
امال انا كنت بعمل كل ده عشان مين
خيانة
الرجاء من الرفيق المخابراتي البدوي القاء القبض على داتي و ابوشنب لوجود ميول انقلابيه لديهم
الله
الحزب
هلهلستان
بنت القمر
مدير البنك المركزى مش هايلاقى فلوس أصلاعشان يديها قروض لزيد أو عبيد
ثانيا الشعب الهليهلى مش هايقف فى طوابير ودا دور محافظ البنك
هايوصل كل حاجة دليفرى ومن غير حصص ولا بطاقات ولا اى نظام رجعى
عشان تحديد الحصص بيظلم ناس كتير ويدى فرصة لمحافظ البنك يلعب بديله
وكمان محافظ البنك مسئول يوفر لبن العصفور للمواطنين ومن نوع كويس
يعنى لو انتى عاوزة كافيار وانتوك عاوز سيمون فيميه وأنا عاوز سيجار كوبى وفواجراه
كل دا مسئولية محافظ البنك المركزى
انا عارف ان بالك راح لزيت وسكر وفول وعدس زى الدول المتخلفة
إرسال تعليق