في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الاثنين، 24 مارس 2008

ياكلوا حلاوة او جاتوه


انا كنت جاية اعدي ارمي التماسي على الحزب اللي حاله مبقاش يسر

اقوم الاقي كلام كتير و مشاكل علشان رغيف العيش

مين رغيف ده ؟؟ حد اعرفه؟؟

يعني انا افرق ايه عن ماري انطوانيت؟؟

متافيش عيش؟؟ طيب ناكل كرواسون، مافيش كرواسون ، ناكل بتي بان، مافيش بتي بان ، ناكل بقسماط، ايه يا شعب

معقولة كل الحاجات دي متنفعش؟؟ انتوا كده

تتعودوا على نوع واحد من الاكل و متغيرهوش، مالها كل الحاجات اللي قلتها دي قبل كده؟ ما كلها دقيق و لا هو لازم عيش بلدي و رغيف و نغمس؟؟؟

انا مش فاهمة بصراحة يعني الشعب ده عاوز ايه؟؟ حد يقف في الطابور 7 ساعات و كل ده علشان كام رغيف مفقعين و مش باين لهم ملامح؟؟ لا لا الوضع كده مبقاش مريح بتاتا

غمسوا ببقسماط او كلوا الاكل حاف حتى عشان متتخنوش

و المعرفو ان احنا المصريين عندنا دهون كتيرة على الكبد لان طبيعة اكلنا دسمة ، طيب ايه فرصة احلى من كده ان احنا نخس و نخفف من الدهون المتواجدة على كبدنا؟؟

وجعتولي كبدي

و اخر اقتراح ممكن اوافق عليه هو الهجوم على القرافات و سرقة اقراص الرحمة و ربنا يعفو عننا بقى


قرار للسيدة رئيسة التموين و الامن القومي و محلات الاكل بعدم تقديم اي نوع من انوع العيش و في حالة تلبس مواطن ما بأكل رغيف عيش يتم اجباره على الجري عشر مرات حوالين شارع جسر السويس رايح جاي


الله

الحزب

هلهلستان

هناك 5 تعليقات:

DantY ElMasrY يقول...

كويس ..رائع ..هلهلى .
طيب إذا حصلت أزمة فى البتى بان والكرواسون ...ناكل إيه
ممكن ناكل بطاطس .ماهى نشويات بردك

The Z. يقول...

ممكن اكون مواطن في دولتكم المبجلة، و اهو بالمرة افتتح اول سفارة ف المانيا!
فين ممكن اقدم الطلب؟؟ :)

^ H@fSS@^ يقول...

زكرياء ممكن طبعا تبقى مواطن و سفير و وزير
احنا عندنا هنا اوفر
اتقدم لمنصب و تاخد خمسة او سبعة على الاقل
ادعوك لدراسة خططنا اللي وردت و عن نفسي حعينك سفيرنا لاوروبا و الدو لالمتقدمة كلها
و لغاية ما تدور انت على كام منصيب يكونوا على كيفك و تتشرح ليهم
و متخافش
مقبول مقبول
هو احنا لاقيين
تحياتي

كلبوزة لكن سمباتيك يقول...

مفيش مانع لموضوع الجاتوه ده و لو في بيتزا برضه اكون متشكرة
احب اقولكم اني تنحيت عن الرئاسة و تركت المنصب الوزاري و ساكتفي ان اكون من الجماهير

تحياتي

عابرة السبيل يقول...

بصى بقى
انا مش هاكل اى حاجة من مشتقات القمح
لانى خلاص مش قادرة استحمل
دول قتلوا جنين القمح
قتلوا سنابل القمح وهى لسه خضرا

بزمتك مش يبقوا متوحشين
وزى ما فى ناس بتبقى نباتية علشان مش عايزين البقر يدبح
انا كمان مش هبقى قمحاوية علشان مش عايزة سنابل القمح تموت