في وصف الدولة

دولة هلهلستان ، عاصمتها سبهللستان و تقع في افريسيا على بعد محطتين ميكروباز من اول ترعة المريوطية تقاطعا مع اول شارع المطار سكة اللي يروح ميرجعش ، و من اهم مدنها قرية الطناش كفر الاتكالية،مركز بير قمع

في وصف الحزب

حزب ذو شكل تكعيبي ... اولي الخلية ... احادي المعطيات ... غير معلوم الاهداف ... و لا مرجعية له على الاطلاق

الأحد، 2 مارس، 2008

بيان وقرار وعبور وقفزة فى الهواء

يا أهل هلهلستان الجدعان
عندى ليكو بيان
من رئيس مجلس الشعب الغلبان
والغلبان هو الشعب مش الرئيس
قررر سيادته
ومن جانب واحد كما المعتاد
انه يحل مجلس الشعب الغلبان
علشان يجدد الثقة او يمنعها من الحكومة والنظام
ودى فرصة عظيمة يا شعب يا غلبان
انك تحدد مصيرك او تخللى الجماعة بتوعك يحددولك
علشان ماسورة البوستات اللىانسدت يوم 23
انسدت ونفس الوزرا والمواطنين الغلابة بقت قرفانة
من أجل هذا ولهذا يا شعب
رئيس مجلس الشعب الغلبان
قرر
وضع الشعب فى اختيار رئيس جديد ومجلس شعب
ولازمن الشعب يختار بين اكتر من واحد
ولازم واحد يرشح نفسه قدام الرئيسة الحالية
والشعب يختار
باب الترشيح مفتوح لحد كمان تلاتأيام
وبعد كدا رئيس المجلس اللى من غير شعب عنده تصرف تانى لو محدش اترشح
واللى هايترشح عليه الأمان من الست الريسة وميخافش
مستندات الترشيح
حساب على جوجل
ميمبرشب إن هلهلستان
موافقة مواطن واحد على الترشح وليكن المرشح نفسه
على حزب وداد قلبى يا بوى
راح أقول للزين سلامات
وعاشت دولة هلهلستان

هناك 10 تعليقات:

الجحيم هو الحقيقه يقول...
أزال المؤلف هذا التعليق.
الجحيم هو الحقيقه يقول...
أزال المؤلف هذا التعليق.
الجحيم هو الحقيقه يقول...

ههههههههههه
ياسلام يامان على كده والله عارف انك هتاخد الخطوه ا لشجاعه دى انا عن نفس بارشحك للرئاسه مع احترامى طبعا للرئيسه الحاليه للحزب بس اولا لسه هلهلستان منضجت ان سيده تحكمها غير كمان انى كفرد من الشعب فلاح من طنطا والموضوع ده كان عامل مشكله حدانا
ف تل الحدادين خلف المسجد الاحمدى
هههههههههههه
فانت بصراحه عملت خطوه جريئه وانا برشحك للرئاسه يا ريس
0000000000
بس طالب حمايتك ياريس من الطوب
تحياتى يا مان

HafSSa يقول...

والله عال
و عال جدا
انا اللي اتعب ف يالحزب و تيجي حضرتك و الاخ شغالين انتخابات و كمان ضدي
طيب حنشوف مين حيكسب و مين حيكون متحكم في صناديق الاقتراع
لأ و ايه جحيم فاكر انه مش بتوصلني ايميلات بالتلعيق و معلق تلات مرات
يعني مامن على كلام دانتي و بالتلاتة
حلو التهمة ثابتة ثابتة
جميييل
يلا يا حبايبي اعملوا الانتخابات و احب اتعرف على المرشح ضدي
بس اعرف شكله ايه و مقوماته و ايه خطة الغير منطقية ف يالحكم


الله
الحزب
هلهلستان

Sampateek يقول...

بما ان ماسورة البوستات اتسدت فاحنا عايزين سباك بريمو مش رئيس جديد و لكن بما اننا حزب كول بالزيت و مروشين و كل يوم اتنين بنحل المجلس و نعين رئيس>> فانا احب انطلع على المنيو الانتخابي بتاع كل اسطى طباخ في المنتشقة
و اللي حيوزع حواوشي على السادةالوزرا حنتخبه من الاخر.. اه الدنيا غليت و الواحد لازم يدور على مسلحتشه
و لو ان الست حفصة )ابلتي( كانت رئيسة حونينة و مدلعانا و مهيضة الجناح زينا بس مفيش داعي نعين رئيس راجل اهي فرصة ندعي عليه شوية لحد يوم الاتنين الجاي و نعمل انقلاب بارتي بعدها و كل واحد يروح لحاله

ربنا يهدكم هرشتوا مخنا اكتر ما هو مهروش

karakib يقول...

لو سمحت يا باشا
يعني ايه انتخابات و صناديق اقتراع ؟
انا فاكر الكلمتين دول بس مش فاكر سمعتهم فين !

DantY ElMasrY يقول...

ما علينا يا ريسة
انتى سيبى الشعب يقول كلمته لو يستاهلك اقفى جنبه
لو مايستاهلكيش
هاشوفلك جمهورية تانية
جحيم باشا
هلهلستان دولة ناضجة جدا بدليل ان شعبها كله وزرا
عيب عليك تقول على معالى السادة المواطنين بتوعنا كدا
سصمباتيك
الحواوشى بيتخن
الانتخابات مش معناها ان فى انكلاب لا مؤاخذة
احنا بس بنجدد الثقة فى مشاريعنا
كراكيب
ارجع لعبد المجيد الصحاح

wa7ed 2ensan wnsan يقول...

في ظل الحكومه الهليهليه السعيده تم عمل تقسيم وتوزيع لكل عناصر الدوله الهلهليه السعيده المواطن العادي والمواطن المميز والاختلاف في الاسم فقط وايضا الرغيف العادي والمميز والاختلاف ان عدد اعفاب السجائر في العادي اكتر من المميز والسعر طبعا والاتوبيس المميز والعادي في الاجره والحاكم المميز ف حجم الكرش وعدد الارصده في البنوك وحجم التعاملات التجاريه للاسره الحاكمه والحكومه المميزه وهي الحكومه النظيفه اما العاديه غير نظيفه والتعليم المميز

DantY ElMasrY يقول...

انت مواطن ياد
ورينى بطاقتك

entrümpelung wien يقول...

شكرا لكم .. دائما موفقين ..::))


entrümpelung
entrümpelung
entrümpelung wien